Абул Фарук
Сулайман Хилми ТУНАХАН

Оо Ислам жамааты! Биздин көзүбүз тирүү кезинде, Аллахтын пайгамбарынын сахабаларына жалган менен жалаа жабылат деп күмөн санап жатасыздарбы?! (Андай күмөнгө барбаңыздар!) Биз (ахли сүннөт вал жамаат) тирүүбүз.

Динди дүйнөлүк үчүн колдонуучу молдолор, элди өздөрүнөн суутту. «Бар жокту алышат. Бирок, эч нерсе беришпейт.» деп, өнөркечтер, молдолордон жүзүн буруп, безип, качуучу болушту. Сиздер андай кылбаңыздар! Кир дүйнөнүн байлыгын, руханий дүйнөнүн таза сезимдерине аралаштырбаңыздар.

Биздин, акча, мансап, мандат, саясат жана талаш-тартыш менен ишибиз жок. Эч күмөнсүз ар бир мусулман баласын окутабыз. Бир адам артка кайтарылган болсо, кабар берсин.Бул дүйнөнүн азабынан, жыргалына кезек келбейт. Кайдигер калбай илим оку, өткөн өмүр кайра келбейт.

«Ар бир кой, өз шыйрагынан асылат.» сөзү туура эмес. Динибизде «Мага тиешеси жок. Мага эмне?» деп айтуу жок. «Мага керектүү; Мен милдеттүүмүн.» деп айтуу бар.

Биздин багытыбыз, жүрөктөрдө ыйман, Ислам жана пайгамбардык адеп-ахлакты өрчүтүү. Максатыбыз: жараткандын ыраазычылыгы. Осуятым: бөлүнүп, жарылбаңыздар. Улутчул болуп чачылбаңыздар. Ахли сүннөт вал жамааттан башка түрдүү жаңылыш жолдорго бурулбаңыздар.